Hatudu Potensialidade: Preparasaun Hasoru Entrevista iha Setor Alojamentu no Ospitalidade Austrália

Graphic by Jaciello

Matadalan kle'an ida kona-ba Knaar, Kondisaun Servisu, no Dezenvolvimentu abilidade iha Setor Alojamentu no Ospitalidade Austrália via PALM SCHEME.

B(caps)envindu belun FAHE HO ITA! Ita prontu ona atu halo viajen iha kareira ida-ne'ebé di'ak! Iha ne’ebé la'ós de'it atu hasa'e Ita-nia abilidade profesional, maibé loke mós odamatan ba oportunidade foun sira? Se ita bo’ot iha ona planu hanesan ne’e, entaun mundu dinámiku setór servisu alojamentu no ospitalidade Austrália nian hein hela ita!

---

#Setor Agrikultura no Hortikultura Austrália

---

Iha konteúdu ne’e ita sei haré kona ba knaar prinsipal sira, oras no tempu servisu, durasaun servisu, taxa servisu, formasaun no dezenvolvimentu abilidade inklui abilidade profesional importante sira ne’ebé ita bo’ot sei lori fila mai Timor-Leste bainhira hetan oportunidade servisu iha setor alojamentu no ospitalidade iha Austrália.

Setor Alojamentu

Setor alojamentu la'ós de'it fatin atu ba hela deit, maibé fatin ne'e mós fatin ba aprende servisu professional, no buka moris. Nudar fatin ida-ne'ebé ita bele hasa'e ita-nia abilidade atendimentu ba kliente nia, aprende kona-ba mekanizmu sira jestaun fasilidade nian, no kontribui atu kria ambiente ida-ne'ebé di'ak ba kliente sira.

Knaar Prinsipal sira iha setor alojamentu

 1. Resepsionista: Bainhira ita bo'ot hala'o knaar nudar resepsionista atensaun nafatin hodi sempre hatudu oin midar ba kualker vizitante no kliente sira iha fatin servisu tamba ida ne'e parte ida husi kualifikasaun ita bo'ot nian i ita bo'ot mak nudar agente ne’ebé kliente sira haree ba dahuluk bainhira vizitante ka kliente sira vizita fatin ne’ebé ita bo'ot hala'o knaar ba, Ita-boot nia knaar prinsipal sira mak inklui halo check-in no check-out ba kliente sira, hatán ba pergunta, no jere rezervaun sira. nune'e ita bo'ot nia abilidade atu ko'alia ho didi'ak, amigavel no hatudu laran-di'ak mak sei garantia kliente sira sente konfortável hanesan iha sira nia uma rasik.

 2. Kuidadu uma laran: Bainhira ita bo’ot hala'o knaar nudar House keeper , ita bo'ot nia servisu atu asegura katak kuartu sira moos nafatin nune'e atrai kliente sira. Ita bo'ot sei hadi’a kama, hamoos harís fatin, dasa uma laran no li'ur, hasai fo'er, no reabastesimentu/restocking supplies. Atu susesu iha knaar ida ne'e Ita-boot presija iha kualifikasaun hanesan atensaun ba detallu no hatudu étika servisu ne'ebé forte tamba ho abilidade sira ne'e maka sei garante katak kliente sira hela ho konfortável iha fatin ne'ebé ita bo'ot hala'o knaar ba.

 3. Servisu Manutensaun: Bainhira ita bo’ot hala'o knaar ida ne'e, ita bo'ot nia servisu mak garantia fasilidade sira funsiona ho diak. Ita bo’ot sei hato'o relatóriu kona ba asuntu servisu manutensaun no perigu seguransa nian ba parte kompetente. Kualifikasaun atu susesu iha knaar ida ne'e mak ita bo'ot tenki iha abilidade atu rezolve problema no atitude proativu nune'e sei garante ambiente ida-ne'ebé seguru no di'ak ba kliente sira.

 4. Kuidadu Jardim: Kuandu ita boot hetan oportunidade ba knaar Gardener/garden keeper ita bo’ot sei servisu kuidadu fasilidade sira iha jardin ka fatin li’ur seluk. Ita bo'ot nia servisu sei inklui hamoos no tesi duut, no asegura katak jardin moos no mantein ho di'ak. Atu susesu iha knaar ida ne'e, Ita-boot nia kualifikasaun hanesan hatudu vontade hadomi ambiente servisu iha fatin liur no koinesementu saude no seguransa importante tebes hodi garantia katak  funsionamentu fasilidade jardim nian kuidadu ho dia’k tuir regra sira aplika.

Setor Ospitalidade

Setor Ospitalidade la'ós de'it kona-ba fornese ai-han no hemu, maibé mós kona-ba buka esperiénsia profesional, iha ne'ebé ita sei halo interasaun ho ita-nia kliente sira sai hanesan oportunidade ida atu halo impresaun no kria relasaun metin no momentu memoravel ho kliente sira liuhusi servisu.

Knaar Prinsipal sira iha setor ospitalidade

 1. Tein na’in: se ita bo’ot iha paixaun ba hahán no hakarak atu aprende kontinua, knaar ne'e ba duni ita bo’ot. Nu'udar tein nain, ita bo’ot sei tulun xefe seniór sira atu prepara no organiza ai-han. Atu suesu iha knaar ida ne'e, kualifikasaun sira hanesan esperiénsia  baziku servisu iha restaurante ka kursu kona ba preparasaun ai-han, atensaun ba detailu, higine, inklui abilidade multitasking no servisu iha presaun nia okos.

 2. Ajudante tein nain, Bainhira asume knaar ida ne'e, ita bo’ot nia servisu mak garantia dapur moos nafatin. Ita bo’ot sei fase ekipamentu dapur nian, higenizar dapur laran no tein fatin, no foti sai fo'er. Kualifikasaun importante sira atu susesu iha knaar ne'e inklui abilidade servisu lalais iha ambiente okupadu, atensaun ba detailu, higine, komunikasaun, multitasking presija tebes atu garantia funsionamentu dapur nian lao diak no sempre higine.

 3. Atendente Hahan no Bebidas: Bainhira hala'o knaar ne'e, ita bo'ot sei atendente kliente sira nia pedidu/orderan ba hahán no bebidas, ita bo’ot sei prepara bebidas no serve hahán ba kliente sira tuir orderan mai husi kliente no garantia kliente sira simu hahan tuir fila pedidu nian ho efetivu. Kualifikasaun sira presija iha knaar ne'e inklui abilidade atendimentu kliente, koñesimentu di'ak kona-ba ai-han no bebidas, atensaun ba detailu, abilidade komunikasaun no abilidade servisu iha presaun atu bele asegura kliente sira nia satisfasaun no kria esperiénsia jantar ne'ebé memoravel ba kliente sira.

 4. Waiter/serbídor: iha knaar ne'e ita bo’ot sei serbí hahán no bebidas ba kliente sira, hodi asegura esperiénsia pozitivu jantar ba kualker kliente. Kualifikasaun importante sira atu susesu iha knaar ne'e inklui abilidade komunikasaun no hahalok personal amigável hodi halo kliente sira sente kontente no valorizadu ho ita bo'ot nia servisu.

Oras serbisu, tempu selu, no durasaun serbisu

Kona-ba oras servisu, iha setór hirak-ne'e bele varia. Iha fatin servisu balun, hanesan otél boot ne’ebé hala'o operasaun durante oras 24 nia laran ka durante loron 7 iha semana ida tomak, sei presiza trabailador sira atu kontinua servisu iha loron, iha lorokraik, iha kalan, ka iha kalan ida tomak. Jeralmente loron ba servisu mak loron 5 iha semana ida nia laran, maibé bele aumenta liu tán bainhira turísta sira mai barak no durante tempu eskola feriadu. Traballador sira sei servisu mínimu durante oras 30 kada semana nia laran.

Kona-ba taxa pagamentu, traballador sira ne'ebé partisipa iha servisu sazonal iha kurtu prazu nudar defini iha PALM SCHEME sei ko’a 15%  ba taxa impostu husi pagamentu ne'ebé empregador fó. Pagamentu taxa nian bele varia depende ba knaar no empregadór nia regra.

Kona-ba durasaun servisu, trabailador sira husi nasaun 9 (sia) illa Pasifiku nian no Timor-Leste bele servisu iha setór ospitalidade no turizmu Australia nian durante períodu tinan ida to'o tinan 4 (haat) liu husi PALM SCHEME hodi halo servisu sira tempu badak nian ho durasaun visa to’o fulan 9 (sia).

Formasaun no dezenvolvimentu abilidade

Programa dezenvolvimentu abilidade PALM SCHEME nian sei oferese fundus hodi suporta formasaun ba traballador sira husi illa Pasifiku no Timor-Leste bainhira sira servisu iha Australia. Treinamentu hodi hasa'e koñesimentu tékniku no abilidade traballador sira-nian, hanesan treinamentu kondusaun forklift ka seguransa ai-han, no hasa'e abilidade komunikasaun hanesan lian Ingles ka abilidade saúde no moris saudável nian.

Alkansamentu no abilidade sira mak sei hetan

Traballador sira iha setór alojamentu no ospitalidade bele hetan abilidade oioin, inklui atendimentu ba kliente, komunikasaun, rezolve problema, multitasking, no atensaun ba detallu. Sira mós bele hetan abilidade téknika espesífiku relasiona ho sira-nia papél, hanesan preparasaun ai-han ba xefe sira te'in nia no xefe sira parte halo manutensaun nian, ka abilidade manutensaun ba servisu sira parte manutensaun nian.

PALM SCHEME fó oportunidade ba traballador sira atu hetan abilidade no esperiénsia ne'ebé folin-boot bainhira sira iha Australia, no rendimentu atu haruka fali ba sira-nia família. Ida ne'e bele lori ba realizasaun signifikativu sira, hanesan kontribui traballador ba iha indústria oin-oin, inklui agrikultura, prosesamentu ai-han, alojamentu no ospitalidade, no kuidadu ba ema idozu sira.

Abilidade importante atu lori fila ba Timor-Leste

Bainhira fila ba Timor-Leste, traballador sira bele lori fali abilidade no esperiénsia barak ne'ebé sira hetan husi sira-nia tempu iha Australia. Ida-ne'e bele inklui abilidade téknika relasiona ho sira-nia papél espesífiku, nune'e mós abilidade transferavel hanesan komunikasaun, rezolve problema, no atendimentu ba kliente. Abilidade hirak-ne'e bele sai valór tebes iha merkadu servisu lokál no bele kontribui ba dezenvolvimentu ekonomia lokál. Nune'e mós, esperiénsia servisu sira hetan durante servisu iha rai li’ur sei hasa'e kompriensaun luan liu kona-ba kultura no prátika servisu oin-oin, ne'ebé bele benefisia iha kareira futuru no iha mundu  globalizadu ohin loron.

Sujesatun balun ba preparasaun antes ba entrevista

Peskija no buka hatene kona ba papél no responsabilidade sira iha setór hirak-ne'e nudar pasu dahuluk hodi prepara ba entrevista. Tuir mai iha sujestaun adisionál balu:

 1. Peskiza: Aprende kona-ba kompañia no papél ne'ebé ita aplika ba. Komprende sira-nia valór no oinsá mak ita bele kontribui.

 2. Pratika: Pratika pergunta entrevista no prepara Ita-nia resposta. Prontu atu fahe ezemplu kona-ba Ita-nia matenek no esperiénsia sira.

 3. Sai profisionál: Hatais didi'ak, pontuál, no hatudu respeitu ba ema hotu ne'ebé ita hasoru.

 4. Husu pergunta: Prepara pergunta balu hodi husu ba intervistador. Ida ne'e hatudu ita-boot nia interese iha papél ne'e nune’e bele hetan oportunidade atu aprende liután kona-ba kompañia empregador nian.

Pergunta komum entrevista ba setor Alojamenu no Ospitalidade

*Bele klik iha pergunta sira ne'e hodi asesu fontes iha lian Ingles

General Questions:

1. Can you tell me a bit about yourself?
2. What interests you about working in the hospitality industry?
3. In your opinion, what are the three most important qualities you can have for working in the hospitality industry?
4. How would you describe your communication style?
5. What skills do you have that enhance your teamwork capabilities?
6. What are some of your hobbies?
7. Why do you want to work with our company?
8. What are your career goals for the next five years?
9. What salary and benefits are you expecting?
10. Do you prefer to work during the day or night shift?

Experience and Background Questions:

1. What qualifications do you bring to this role?
2. What do you think is the most important skill for a hospitality professional to have?
3. Tell us about your daily responsibilities in your current role and how you handle them
4. Do you have experience handling customer queries and communicating with customers?
5. What skills do you bring to this role?

In-Depth Questions:

1. How would you deal with a difficult or unhappy customer?
2. Give an example of a time when your received poor customer service
3. How would you handle working in a fast-paced environment?
4. How would your friends or previous work colleagues describe you?
5. What does great customer service mean to you?
6. How would you respond to a rude customer?
7. In the hospitality industry, what’s more important, fast or friendly service?
8. Tell me about a time when you demonstrated flexibility at work?
9. Tell me about a time when you provided great customer service?
10. If you noticed a co-worker not pulling their weight, what would you do or say?

Setór servisu alojamentu no ospitalidade oferese oportunidade furak ba traballador sira iha PALM SCHEME. Ho preparasaun ne'ebé fiksu, ita bele navega ho konfiansa iha ita-nia entrevista no garantia sei simu karreira ida-ne'ebé ita prefere liu iha setór hirak-ne'e.

 

Sempre hanoin katak, xhave ba susesu iha entrevista ida maka preparasaun. Komprende knaar sira mak ita bo’ot aplika ba, peskija kona ba kompañia mak oferese servisu, no prátika ita bo’ot nia resposta ba pergunta komum sira temi iha leten.

Boa sorte!

***

LINK INTERESANTE SELUK:

• Aged Care Work Interview Reference
• Setor Agrikultura no Hortikultura 
• Guia Aplikasaun Visa Austrália Online

• Hospitality Work Interview Reference

#FAHEHOITA #FAHETUTAN