Oinsá Abilidade Báziku bele loke odamatan ba oportunidade foun seluk iha indústria Servisu
Bainhira ita aplika atu servisu iha indústria foun ida dala barak sai hanesan dezafiu ida ne'ebé bo’ot kuandu ita hetan selesaun atu bá tuir entrevista, hanoin sira la fiar-an ne’e sei mosu bainhira ita laiha esperiénsia ka invole direta iha servisu sira ne’ebé maka indústria sira ne’e presija hanesan iha industria Ospitalidade, Aged Care, Construction, Tourism no seluk tán. Maibé keta laran-susar, nudar liafuan famozu ida hatete, “Viajen ho distánsia mil rihun ida hahú ho pasu ida / The journey of a thousand miles begins with a single step” (Lao Tzu). Ita-boot nia abilidade báziku sira, hamutuk ho vontade atu aprende no adapta, bele sai fundasaun ba kareira ida ne'ebé susesu.Artigu ida-ne'e sei esplora oinsá abilidade báziku sira bele kria oportunidade foun sira seluk, saida maka empregadór sira buka iha kandidatu sira, no oinsá programa formasaun sira bele prepara traballadór sira atu iha kapasidade di’ak bá sira nia knaar foun.
Tanba saida maka abilidade báziku sira importante / why basic skills matter
La importa ita-boot nia orijen/background, abilidade báziku sira hanesan komunikasaun, serbisu iha ekipa, no jestaun tempu nian maka universál. Sira bele la'ós espesífiku ba serbisu, maibé sira maka bloku konstrusaun susesu nian. Nudar Albert Einstein hatete, "Haka'as-an la’os atu sai susesu, maibé atu sai iha valór / Strive not to be a success, but rather to be of value." Empregadór sira valoriza indivíduu sira ne'ebé bele uza abilidade fundamentál sira hodi kontribui ho pozitivu ba sira nia funsaun iha servisu fatin.Oinsá abilidade báziku sira aplika iha industria sira diferenti:
- Abilidade Komunikasaun: Esensiál ba atendimentu ba kliente, kolaborasaun, no rezolusaun problema. Ezemplu, funsionáriu retallu sira uza komunikasaun ne'ebé klaru atu ajuda kliente sira, hanesan traballadór konstrusaun sira uza ida-ne'e atu garante seguransa iha fatin.
- Abilidade Organizasionál: Jere tempu no tarefa sira ho efisiente maka krusiál iha papél sira hanesan ospitalidade, iha ne'ebé fahe servisu ho responsabilidade maka parte ida importante hosi serbisu.
- Abilidade Tékniku Báziku: Tein hahán simples ka kaer ekipamentu sira bele hamosu kreximentu iha indústria sira hanesan servisu ai-han ka komérsiu sira.
Ezemplu Susesu, Abilidade transfere / Examples of Success Through Transferable Skills
1. From Retail to Hospitality
Traballadór retallu ida aprende interasaun ho kliente no rezolusaun problema iha serbisu fatin. Abilidade sira-ne'e fasil atu transfere ba ospitalidade, iha ne'ebé esperiénsia hanesan simu bainaka ho maneira-di'ak maka xave ba tansferensia.
2. Home Cooking to Professional Catering
Koziñeiru uma-laran ida ne'ebé maka iha paixaun tranzita ba iha catering hodi aproveita sira nia abilidade kulinária báziku. Liuhusi formasaun, sira aprende tékniku avansadu sira no hadi’ak sira nia konfiansa iha dapur.
3. Administrative to Event Coordination
Administradór eskritóriu ida halo tranzisaun ba planeamentu eventu nian hodi uza sira nia abilidade organizasaun no komunikasaun nian. Sira adapta lalais ba natureza lalais hosi papél foun.
Nudar Mahatma Gandhi hatete, "Dalan di'ak liu atu hetan ita-nia an maka lakon ita-nia an iha ema seluk nia servisu / The best way to find yourself is to lose yourself in the service of others." Ema sira-ne'e hatudu katak dedikasaun atu serbí ema seluk no vontade atu aprende bele lori ita bá oportunidade foun sira seluk.
Saida Maka Empregador Sira Buka / What Employers Look For
Empregadór sira komprende katak laiha ema ida maka hahú nudar peritu/expert. Dala barak sira fó prioridade liu ba kualidade sira hanesan:- Adaptabilidade: Vontade atu aprende no krese/grow.
- Atitude Pozitivu: Entuziazmu no étika serbisu ne'ebé maka'as.
- Konfiabilidade: pontual no kumpre espetativa sira.
Henry Ford nia liafuan hatete nune'e: "Se ita-boot hanoin katak ita-boot bele ka labele, ita-boot loos / Whether you think you can or think you can’t, you’re right." Empregadór sira valoriza kandidatu sira ne'ebé fiar iha sira nia abilidade atu aprende no hetan susesu.
Programa treinamentu ba traballador foun / Training Programs for New Workers
Indústria barak oferese formasaun atu ajuda traballadór sira dezenvolve konfiansa no dezenvolve abilidade sira ne'ebé sira presiza. Ezemplu balu inklui:1. Ospitalidade: Kursu sira kona-ba seguransa ai-han, atendimentu ba kliente, no jestaun dapur nian.
2. Konstrusaun: Treinamentu iha seguransa iha servisu fatin, utilizasaun ferramenta, no manejamentu materiál sira.
3. Retallu: Lisaun sira kona-ba tékniku sira fa'an nian, manejamentu osan nian, no jestaun inventáriu nian.
Programa sira-ne'e, kombina ho aprendizajen prátika, garante katak traballadór foun sira sente preparadu no iha kapasidade bainhira sira hahú sira nia knaar.
Motivasaun ba Traballadór sira ne'ebé laiha Esperiénsia/ Motivation for Workers Without Experience
Bainhira ita hanoin atu aplika ba knaar foun ida, hanoin-hetan sitasaun ida-ne'e hosi Nelson Mandela hatete: "Ida-ne'e sempre imposivel antes finaliza / It always seems impossible until it’s done." Hahú buat foun ruma bele sai intimidante, maibé ita-boot nia abilidade báziku sira maka sei sai hanesan opsaun importante ba susesu.Konsidera razaun balun tuir mai hodi fiar iha ita-an rasik:
1. Skills can be developed: Laiha ema ida maka sei perfeitu iha loron dahuluk. Empregadór sira prontu atu fó treinu no ajuda ita atu iha mudansa.2. Attitude is Key: Atitude pozitivu no hakarak atu aprende importante liu duké esperiénsia tinan barak nian.
3. Your exeperience are unique: Moris loroloron nian hanorin lisaun sira ne'ebé iha valór, hanesan jere tempu, rezolve problema sira, ka komunika ho efetivu.
Profisionál boot hotu-hotu hahú iha fatin ruma. J.K. Rowling fó hanoin mai ita katak, "buat ne’ebé ita hili maka hatudu ita ho loloos, duke ita nia abilidade sira/ It is our choices that show what we truly are, far more than our abilities." Hili atu foti pasu dahuluk, no ita-boot sei hakfodak ho distánsia ne’ebé ita-boot atinji ona.
Konsellu ba Empregadór sira/advice for employers
Ba empregadór sira, hanoin-hetan liafuan sira husi Richard Branson hatete: "Forma ema sira ho di'ak atu sira bele sai, trata sira ho di'ak nune’e sira labele sai/ Train people well enough so they can leave, treat them well enough so they don’t want to." Investe iha programa formasaun, mentorizasaun, no sistema apoiu hodi ajuda funsionáriu foun sira hetan susesu. Buka potensiál, la'ós de'it esperiénsia.La'o ba oin/Moving forward
Sekarik ita-boot individual ida ne’ebé buka hela serbisu ka empregadór ida, fiar iha kbiit kreximentu no aprendizajen nian. Nudar Vince Lombardi hatete katak, "Perfeisaun labele atinji, maibé se ita buka perfeisaun, ita sei bele hetan exelênsia/ Perfection is not attainable, but if we chase perfection, we can catch excellence."Ita-boot nia abilidade báziku sira maka pontu importante iha ne’ebé ita-boot bele hahú pasu ida. Ho esforsu, determinasaun, no oportunidade sira ne'ebé loos, sira bele lori ita ba kareira estraordináriu ida. Hahú pasu ida agora, hadomi viajen, no hanoin: "Ita-boot nia futuru kria hosi saida maka ita-boot halo ohin loron, la'ós aban / Your future is created by what you do today, not tomorrow " (Robert Kiyosaki).
Oinsá belun sira nia hanoin? Fahe ita-boot nia esperiénsia sira iha koluna komentáriu, mai ita inspira malu atu atinji mehi furak sira ita espera!
 |
| Lao Tzu |
Obrigada ba reference no motivasaun :) 😍
ReplyDelete