Graphic by Jaciello
Pacific Engagement Visa
FAHE HO ITA - Pacific Engagement Visa (PEV) nudar visa
ne’ebé sei uja hodi aumenta migrasaun permanente mai husi Timor-Leste no husi
nasaun sira ilha pasífiku, atu harí diaspora ida iha Austrália, hametin
ligasaun entre ema-ho-ema, no promove interkámbiu kultural, empresarial, no
edukasional.
Visa ho kuantidade 3,000 (rihun tolu) sei aloka ba ema sira
husi ilha pasífiku kada tinan liu husi prosesu votasaun/ballot process ba
nasaun sira maka partisipa. Partisipante sira ne’ebé maka eleitu ka selesiona
husi prosesu refere maka bele aplika ba residénsia permanente iha Austrália.
Programa PEV ne’e realiza tamba konsultasaun ne’ebé forte
liu husi parseiru sira governu nian no komunidade husi Timor-Leste no Pasífiku
atu asegura programa ne’e atinji duni bá objetivu komum, kontribui ba páz,
prósperu, no resiliente iha família pasífiku nian.
Aplikasaun ba prosesu ballot/votasaun sei bele aprejenta
online ho Departmentof Home Affairs kuandu ballot hahú simu aplikasaun.
FAQ - Pergunta sira
baibain husu
Bainhira maka votasaun ba PEV
komesa?
Votasaun/ballot sei komesa kuandu arangamentu administrasaun
no legislativa kompletu ona. Kontinua nafatin akompania nformasaun ofisial sira
atualiza husi parte departamentu relasaun external no comerçio iha nasaun
partisipante sira nian.
Le’e informasaun kona ba statementu governu Austrália nian
relasiona ho aprovasaun legislatura ba Pacific Engagement Visa iha ne’e: Deepening connections in our region through the Pacific Engagement Visa.
Saidá maka Pacific Engagement Visa?
Pacific Engagement Visa nudar visa foun ida ne’ebé permite
residensia permanente ba nasaun sira maka partisipa hanesan Timor-Leste no
nasaun sira ilha pasífiku.
Visa 3,000 (rihun tolu) sei aloka ba parseiru sira inklui
oan sira maka sei dependente kada tinan, ba ema sira husi Timor-Leste no
pasífiku liu husi prosesu votasaun/ballot process.
Pacific Engagement Visa atu harí komunidade diaspora iha
Austrália, hametin relasaun forte entre ema-ho-ema, no promove interkámbiu
kultural, emprezarial no edukasional.
Nasaun ida
ne’ebé maka sei envolve?
Prioridade oferese ba nasaun sira ne’ebé ho oprotunidade
limitadu migrasaun ba Austrália, ka ba sidadaun sira ho direitu specífiku husi
Nova Zelándia, França no Estadus Unidos.
Nasaun sira maka eligibel bele inklui Timor-Leste, Federated
States of Micronesia, Fiji, Kiribati, Nauru, Palau, Papua New Guinea, Republic
of the Marshall Islands, Samoa, Solomon Islands, Tonga, Tuvalu and Vanuatu.
Governu Australiano
kontinua konsulta ho nasaun sira husi ilha Pacífico no Timor-Leste kona ba sira
nia interese parisipa iha programa.
Oinsa determina
alokasaun ba nasaun sira?
Alokasaun ba visa
sei bazea ba fator sira inklui kuantidade populasaun, diaspora iha Austrália,
oportunidade atual ba migrasaun no demanda ne’ebé presija.
Alokasaun sei deside husi parte Minister for Foreign Affairs
no Minister for International Development and the Pacific.
Governu sei
kontinua konsulta ho parseiru Pacífiku kona ba sira nia inkluzaun no alokasaun
nasaun nian hodi asegura programa la’o tuir objetivu no nesesidade komum.
Sé maka sei
elijíbel ba Pacific Engagement Visa?
Atu bele elijíbel
ba Pacific Engagement Visa, aplikante sira ba dahuluk tenki:
- Idade entre tinan 18 to’o
tinan 45 hodi tama ballot/votasaun
- Selesionadu liu husi
prosesu votasaun/ballot process
- Iha servisu formal la’o
hela iha Austrália (parseiru feto/mane tenki iha servisu)
- Hatene dalen Ingles, prova
karaktere no médiku
- Iha pasaporte husi nasaun
partisipante
- Moris ka husi inan-aman
ne’ebé mai husi nasaun elijíbel.
- Applikante sira bele
inklui parseiru no labarik sira dependente ne’ebé legal iha sira nia
aplikasaun.
Detailu konfigurasaun ba programa inklui rekerimentu
elijíbilidade bá ballot no visa sei atribui kuandu programa implementa ona.
Saidá maka Pacific Engagement Visa ballot?
Ballot hanesan prosesu selesaun aleatóriu eletróniku ne’ebé
sei permite lalais aplikante eleitu sira ho família imediata aplika ba Pacific
Engagement Visa.
Objetivu husi ballot atu fornese ba individual sira elijíbel
husi Timor-Leste no Pasífiku asesu ba programa ho transparante no justu liu
husi prosesu ballot ho selesaun aleatóriu.
Prosesu ida ne’e oferese mós ba trabalador Pacific Australia
Labour Mobility scheme (PALM) ne’ebé agora dadaun servisu hela iha Austrália.
Sei selu osan
hira atu partisipa iha Pacific Engagement Visa ballot?
Osan atu selu hodi partisipa iha ballot ho montante dolar
$25 (dollar ruanulu resin lima). Montante ne’e sei muda depende ba
konfigurasaun atribui bainhira programa implementa.
Sekarik ema ne’ebé registu tiha ona maibe la hetan selesaun,
nia sei halao fali registrasaun foun hodi bele partisipa iha ballot.
Aplikante sira ne’ebé hetan ona selesaun iha ballot sei bele
aplika ba visa tuir tempu spesífiku determina.Applicants selected through the
ballot will be able to apply for the visa within a specified timeframe inklui
selu taxa adisional ba visa aplikasaun.
Ema ho PEV bele
servisu no hela iha Austrália tuir nia hakarak ka lae?
Sim. Visa refere nudar visa ba residénsia permanente nian
nune’e aplikante sira sei livre hodi hili atu hela iha ne’ebé, servisu no
estudu iha Austrália. Sei laiha limitasaun ba fatin servisu, indústria ka tipu
servisu no empregador.
Suporta saidá
maka sei disponível?
Programa Pacific Engagement Visa sei inklui medida sira
suportasaun pozitivu hanesan ajuda buka servisu iha Austrália no asesu ba
benefísiu suporta oinsa harí família ida no hakmaán naha finansial ba edukasaun
no treinamentu, asesu ba kréditu estudante hodi bele suporta propinas estudu
nian durante eskola.
Suporta adisional sira ne’e nudar servisu ne’ebé disponível
dahuluk bainhira individual sira to’o iha Austrália hodi hela permanente,
inklui mós asesu ba servisu saúde universal no eskola públiku Austrália nian.
Oinsa
partisipante sira hetan suporta kona ba buka servisu no preparasaun moris iha
Austrália?
Governu Australiano sei estabelese servisu ida iha pasífiku
hodi fasilita ligasaun ba aplikante sira ne’ebé susesu ho empregador sira iha
Austrália, nune’e bele asesu ba variadade servisu sira tuir nivel abilidade
aplikante sira nian.
Servisu ne’e mós sei asisti aplikante sira ne’ebé susesu liu
husi prosesu aplikasaun ba visa, kulturamente no kolabora ho programa relevante
sira hodi produz informasaun importante uja dalen sira familiar, kona ba oinsa
halao moris iha Austrália.
Diferente entre
Pacific Engagement Visa no Pacific Australia Labour Mobility (PALM) scheme, iha
parte ne’ebé?
Pacific Engagement Visa sei kompleta PALM scheme hodi
oferese visa atu hela permanente iha Austrália ba sidadaun sira husi Timor-Leste
no ilha pasífiku. Pacific Engagement Visa la’os visa ida ne’ebé uja atu
mobiliza trabalador; visa ne’e foka liu bá oinsa harí diaspora iha Austrália
iha ne’ebé aplikante sira nafatin iha ligasaun diak ho sira nia nasaun origem.
Bele kompara katak, PALM scheme hanesan programa imigrasaun
temporária ne’ebé sei kontinua fornese trabalador ba area rural no regional
sira iha Austrália, suporta dezenvolve ekonomia ilha pasífiku, no kapasita
trabalador sira ho abilidade foun bainhira fila ba sira nian nasaun origem.
Partisipante sira PALM scheme iha Australia ne’ebé uja hela
visa temporária sei elijíbel hodi aplika ba Pacific Engagement Visa ballot
kuandu aplikasaun komesa ona.
Saidá maka
amandementu lejislativa ne’ebé presija halo?
Amandamentu legislativa presija tebes atu autoriza
ballot/votasaun ida hodi uja ba Pacific Engagement Visa no ba visa titular sira
ne’ebé elijíbel bele asesu ba programa asesu kréditu ensinu superior “Higher
Education Loan Program (HELP), VET student loans (VSL), Youth Allowance
(Student), Youth Allowance (Apprentice), no Family Tax Benefit Part A”.
###
ARTICLE RELEVANTE:
LINK
FONTES:
#FAHEHOITA #FAHETUTAN
